Бишкектин Чыңгыз Айтматов проспекти, Лев Толстой, Матыев, Бакаев, Гагарин көчөлөрү менен чектешкен аймактарында 10-ноябрдан 14-ноябрга чейин жаратылыш газы убактылуу токтотулат. Бул тууралуу «Бишкекгаз» кабарлады.
Көгүлтүр от жол тармагын реконструкциялоонун алкагында жер астындагы орто басымдагы газ түтүктөрүндө жүргүзүлүп жаткан иштерге байланыштуу үзгүлтүккө учурайт. Аталган аймактын тургундарына энергиянын альтернативдүү булактарын колдонуу сунушталат.
«Бишкекгаз» ыңгайсыздык үчүн кечирим сурап, жүргүзүлүп жаткан иштердин максаты калкты газ менен туруктуу камсыздоо экенин белгиледи.
