Кыргыз Республикасынын бокс боюнча жаштар курама командасынын мүчөлөрү Амантур Жумаев жана Дилербек Садиров Ереван шаарында (Армения) өткөн Дүйнө чемпионатында байгелүү орундарга ээ болду. Бул тууралуу Спорт депортаментинен билдиришти.
52 кг чейинки салмакта катышкан Амантур Жумаев Өзбекстан, Германия, Орусия жана Польшалык атаандаштарын жеңип финалга жолдомо алган. Алтын медаль үчүн беттеште армениялык мушкерди жеңип, жаштар арасында Дүйнө чемпиону болду.
Ошондой эле 57 кг чейинки салмакта катышкан Дилербек Садиров ¼ финалдык беттеште румыниялык мушкерди жеңип, жарым финалдык беттеште орусиялык спортчуга жеңилип 3-орунду ээледи.
