Туризмди өнүктүрүүнү колдоо фондунун вице-президенти Болот Дыйканбаев: Туризм тармагында азыр көптөгөн долбоорлор даярдалып, ишке киргизилип жатат, мисалга, жети облустун ар биринде конок үйлөрүн жана «рест пойнт» деп аталган жолоочулар үчүн эс алуучу жайларды тургузуп жатабыз. Ысык-Көл облусунун 5-6 жерине «рест пойнттор» салынды. Андан тышкары, быйыл Чаткал районунда лыжа базасын куруу долбоорунун үстүндө иштеп жатабыз.
Караколдун айланасында курула турган «Үч чоку» деген ири долбоорду иштеп чыкканбыз, инвесторлор келе баштады. Бишкектин жанында Baytik Mountain Resort деген долбоорубузду ишке ашырууга инвесторлор бел байлап калды. Баткенде дагы чоң долбоорлорду даярдоого тапшырмалар бар. Бул конок үйлөрү жана эс алуучу жайлар жалаң эле чет өлкөдөн келген конок-туристтер үчүн эмес, эң биринчи кезекте Кыргызстандын өзүнүн тургундары, жергиликтүү эл үчүн жасалып жатат…
