Ташкенттеги саммитте Борбор Азия мамлекеттеринин лидерлери БУУнун мүчө-өлкөлөрүнө Кыргызстанды Коопсуздук Кеңешинин убактылуу мүчөсү катары колдоого чакырган биргелешкен кайрылууга кол коюшту.
Кыргызстан эки жылдык мөөнөткө шайлануучу он орундан бирине талапкер болууда. Бул аймак боюнча Бишкектин негизги атаандашы — буга чейин бир нече жолу БУУнун Коопсуздук Кеңешинин курамына кирген Филиппин мамлекети.
Буга чейин президент Садыр Жапаров Коопсуздук Кеңешин түзүүдө адилеттүүлүк жана тең укуктуу өкүлчүлүк принциби сакталууга тийиш экенин белгилеген.
