Бостеридеги айланма дөңгөлөк аттракционундагы кооптуу абал боюнча комиссия иш алып барды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, 28-июлда Бостеридеги айланма дөңгөлөк аттракционунда кооптуу абал жаралгандыгы тууралуу интернет булактарына видео тараган.
Текшерүүнүн жыйынтыгы боюнча акт түзүлүп, аттракцион ээсине төмөнкү талаптар коюлду:
- аттракциондо кооптуу абалдын келип чыгуу себептерин аныктоо үчүн тийиштүү мекемеден техникалык корутунду алуу;
- аттракционду атайын адистери бар уюмдар тарабынан толук техникалык кароодон өткөрүп, тиешелүү корутунду алуу;
- жогорудагы талаптар толук аткарылганга чейин аттракционду иштетүүгө тыюу салынды.
