Бишкек шаарындагы Ботаникалык бакта милиция кызматкери асынган абалда табылды. Бул тууралуу 7-каналга Октябрь РИИБден тастыкташты.
Маалыматка караганда, 5-февралда А.Ү арыз менен кайрылып, 1979-жылы туулган күйөөсү дайынсыз болуп жатканын айткан. Жолдошу 6-кичи райондогу үйүнөн акыркы жолу 4-февралда эртең менен чыгып кетип келген эмес.
Аталган факт Бишкек шаарынын Октябрь райондук ички иштер башкармалыгына катталып, кошумча иликтөө иштери башталган.
Маркумдун денеси 6-февралда саат 13:55 чамасында Шопен көчөсүндөгү Ботаникалык бактан табылган.
Сөөктү кароо учурунда денесинен жаракаттар табылган эмес. Учурда тиешелүү экспертизалар дайындалып, тергөөгө чейинки тергөө иштери уланууда.
