Улуу Британиянын Бажы кызматы Рождество майрамынын алдында дээрлик 240 миң даана жасалма “Лабубу” оюнчугун аныктады. Бул тууралуу 23-декабрда өлкөнүн өкмөтү билдиргенин, Известия жазды.
Маалыматта айтылгандай, майрам алдында бажы кызматкерлери товар партияларын текшерүүнү күчөткөн. Анткени контрафакттык оюнчуктардын төрттөн үч бөлүгү коопсуздук талаптарынан өтпөй калган.
Жасалма “Лабубу” оюнчуктарынан тышкары, чек ара кызматкерлери башка дагы контрафакттык оюнчуктарды жана электр жабдууларын конфискациялашкан.
Ошондой эле АКШнын Сиэтл аэропортунда 26-августта баасы 500 миң доллардан ашкан жасалма “Лабубу” оюнчуктары алынган. Текшерүү учурунда федералдык мыйзам бузулгандыгы аныкталып, ал мыйзам башка адамдардын интеллектуалдык менчик укуктарын мыйзамсыз пайдаланууга жана андан пайда табууга тыюу салат.
