Президенттикке талапкерлерди колдоо үчүн кол топтоо «Түндүк» тиркемеси аркылуу өтөт. Бул тууралуу Боршайком билдирди.
Ага ылайык, тиркеме «Кол топтоо» системасы менен биргеликте иштейт. «Түндүк» тиркемеси шайлоочунун өздүгүн тастыктоо үчүн колдонулат.
«Электрондук форматка өтүү кол топтоо жана аны эсепке алуу жараянын автоматташтырууга, кагаз түрүндөгү документти азайтууга, убакытты үнөмдөөгө жана техникалык каталардын тобокелдигин төмөндөтүүгө шарт түзөт», — деп айтылат маалыматта.
Талапкерлер үчүн чогулган колдордун саны тууралуу ыкчам маалымат алышат. Ошондой эле, бул жараяндын ачыктыгык камсыздоого шарт түзөт.
