Аралаш мушташ боюнча кыргызстандык мушкер Бусурманкул Абдибаит уулу “Eagle FC” лигасынын чемпиону болду.
Кечээ,3-августта Чолпон-Ата шаарында өткөн “EFC 38” турниринин негизги кармашында Бусурманкул Абдибаит уулу уюмдун учурдагы чемпиону орусиялык Руслан Яманбаев менен беттешти. Бирок, Яманбаев билгендей эле беттешке чыгаарда таразага түшпөй калган, ал уткан күндө да чемпиондук курдан ажыратылмак.
Кармаштын экинчи раундунда Бусурманкул бир нече жолу сокку узатып, атаандашын торго такаган. Андан соң рефери кармашты токтотуп, лиганын жаңы чемпионун жарыялады. Ал эми курду Хабиб Нурмагомедов өзү тагып, ийгиликтерди каалады.
