Чүйдө каракчылыкка шектелген жаран кармалды. Бул тууралуу Чүй ОИИБден билдиришти.
28-мартта милицияга жигит арыз менен кайрылып, ошол эле күнү таңкы саат 04:00 чамасында эч себепсиз аны сабап, бычак менен коркутуп, унаага салып, айылдын четине алып барып, 11 миң сомун тартып алган жарандарга чара көрүүнү суранган.
Жигит алган жаракатынан ооруканага кайрылган. Аталган факты боюнча кылмыш иши козголгон. Кылмышка шектелип, 1997-жылы туулган эки жигит, 1994-жылы туулган жаран кармалып, камакка алынган. Тергөө уланууда.
