Россиядагы мобилизацияга байланыштуу быйыл Кыргызстанга келген РФ жарандарынын саны былтыркыга салыштырмалуу 30%га көп. Бул тууралуу “Кабар” агенттигинде өткөн жыйында Санариптик өнүктүрүү министрлигине караштуу Калкты каттоо департаментинин директору Нурсултан Сардарбеков билдирди.
«2021-жылдын 9 айында 160 миң жаран келген. Ал эми өткөн жылдын 9 айында Россия жарандары тарабынан Кыргызстандын жарандыгын алууга 385 тапшырык берилип, 226и алса, быйылкы жылдын 9 айында 1631 жаран жарандык алууга тапшырык берип, анын ичинен 603ү алды”, — деди ал.
