Нарында 12 жыл мурунку киши өлтүрүү фактысынын бети ачылды. Бул тууралуу облустук милициянын басма сөз кызматы билдирет.
Маалыматка ылайык, 2014-жылы 24-майда Нарын районунун Эмгек-Талаа айылынын тургуну, 1976-жылы туулган Н.А. үйүнөн чыгып кеткен боюнча кайтып келбей, кылмыш иши козголгон.
Алдын ала маалыматтар боюнча, 24-майдан 25-майга караган түнү маркум менен анын жакын тууганынын ортосунда жаңжал чыгып, ал мушташка айланган.
Жаңжал учурунда Н.А. оор жаракат алып, андан соң Нарын дарыясына ыргытылганы аныкталган.
Нарын ОИИБдин Кылмыш иликтөө бөлүмү тарабынан бул кылмышка шектүү катары Нарын районунун тургуну 1986-жылы туулган К.М экендиги аныкталып , КРнын Кылмыш жаза кодексинин 122-беренесинин 2- бөлүгү (Адам өлтүрүү) менен камакка алынган.
Посмотреть эту публикацию в Instagram
