Чүй жана Жалал-Абад облустарында турак үй өрттөнүп кеткенин ӨКМнын басма сөз кызматы билдирди.
Маалыматка ылайык, Москва районунун Спартак айылында турак үйдүн 16 чарчы метр бөлмөсү жана тиричилик буюмдары күйгөн. Өрттүн кесепетинен 59 жаштагы А.А., аттуу эркек кишинин сөөгү табылып, милиция кызматкерлерине өткөрүп берилген.
Ал эми Базар-Коргон районуна караштуу Сай-Коргон айылында турак үй толугу менен күйүп, 34 жаштагы А.С., аттуу үй ээси түтүнгө ууланып каза болгон.
Учурда өрттүн себептери такталууда.
