Чүй облусунда «Жашыл мурас» аталышындагы программанын алкагында 1000 даана дарак көчөтү отургузулду. Бул тууралуу Айыл чарба министрлиги билдирет.
Маалыматка ылайык, Бишкек-Нарын-Торугарт жолунун 86-чакырымындагы айланма жолдун жээгине 1000 даана карабак көчөтүн эки чакырым аралыкка отургузуу өнөктүгү өткөрүлдү.
Белгилей кетсек, иш-чара Садыр Жапаров демилгелеген “Жашыл мурас” улуттук программасынын алкагында, экологиялык коопсуздукту камсыз кылуу жана айлана-чөйрөнү жакшыртуу максатында уюштурулду.
