Бүгүн, 10-февралда Чүй облустук төрөт үйүндө төрт эм төрөлдү. Бул тууралуу Саламаттыкты сактоо министрлигинен билдиришти.
Маалыматка ылайык, төрөт кесарево жолу менен болгон. 29 жаштагы А.К. бир уул жана үч кыз төрөдү.
1 наристе (кыз) салмагы 2494 грамм, бою — 48 см; 2 наристе (кыз) салмагы 2048 грамм, бою — 46 см; 3 наристе (кыз) салмагы 2218 грамм, бою — 46 см; 4 наристе (эркек бала) салмагы 2432 грамм, бою — 48 см.
Дарыгерлердин айтымында, эне менен балдардын абалы канааттандырарлык деп бааланууда.
