Чүй облусунун Аламүдүн районунда жалпы аянты 307 га болгон жер тилке мамлекеттин менчигине өткөрүлдү.
Мурда аталган жерлердин ээлери Ленин атындагы мамлекеттик айыл чарба заводунун жумушчулары жер үлүштөрүн жана жерди пайдалануу укугуна күбөлүктөрдү алган. Жердин ээлеринин көпчүлүгү ар кандай себептер менен Кыргызстандын чегинен тышкары көчүп кетишкен же каза болушкан.
Жергиликтүү өз алдынча башкаруу органдарынын айрым мурдагы жетекчилеринин шалаакы мамилесинен улам, аталган айыл чарба жерлерди муниципалдык же мамлекеттик менчикке алып коюунун милдеттүү тартибин сактабастан, «Шабдан-Ата» ТПК ЖЧКсына мыйзамсыз түрдө 49 жылдык мөөнөткө ижарага берилип, кийин аны «Бишкеквинком» ЖЧКсына (негиздөөчүсү буга чейин ассоциациянын президенти А.А.Холдимов А.А.Абдыимов) кайра сатып жиберген.
