Чүй облусундагы түзөтүү мекемесинин кызматкерлери азык-түлүк уурдап кармалды. Бул тууралуу Чүй ОИИБден билдиришти.
Ыкчам-издөө жана тергөө иш-чараларын жүргүзүүдө түзөтүү мекемесинин финансы-чарбалык бөлүмүнүн материалдык-техникалык камсыздоо кызматкерлери узак убакыт ичинде түзөтүү мекемесинен азык-түлүк уурдап, андан кийин пайда табуу үчүн сатып жүрүшкөнү аныкталган.
«Кызматкерлер өздөрүнүн жеке кызыкчылыктарын көздөп, түзөтүү мекемесинин кампасынан тамак-аш азыктарын алып чыгып, аны фигуранттардын биринин жеке үйүнө сактоого которушкан, ал жерден тергөө органдары алып кетишкен. 38 мүшөк таруу, ун, перловка жана күрүч алынды»,- деп айтылат маалыматта.
Факты боюнча Чүй облустук ички иштер башкы башкармалыгынын Тергөө кызматы тарабынан Кылмыш-жаза кодексинин 210-беренеси боюнча кылмыш иши козголгон.
20-декабрда тергөө-ыкчам иш-чараларын жүргүзүү учурунда түзөтүү мекемесинин 3 кызматкери кармалып, убактылуу кармоочу жайына киргизилген. Сот тарабынан кармалгандардын баш коргоо чарасы камакка алуу түрү тандалды.
