Чүйдө казакстандык жарандын сөөгү аскада кур менен асылып турган абалында табылды. Бул тууралуу маалыматты Чүй ОИИБнын басма сөз кызматы билдирди.
Маалыматка ылайык, 10-апрелде саат 17:40 чамасында Панфилов РИИБнин нөөмөт бөлүмүнө тоодон мамлекеттик чек арага жакын жерде болжол менен 20-25 жаштардагы адамдын жансыз денеси табылгандыгы тууралуу билдирүү түшкөн.
Милиция кызматкерлери дароо жерине барып, кур менен аскада асылып турган жарандын сөөгүн табышкан. Асынган жарандын өздүгү такталып, 2003-жылы туулган Б.У. атту казак жараны экени белгилүү болгон.
Аталган факт маалымат журналына катталып, тиешелүү экспертизалар дайындалды.
Учурда иштин бардык жагдайларын тактоо боюнча тергөө-ыкчам иш-чаралары жүргүзүлүп, сотко чейинки териштирүүлөр уланууда.
