Чүйдө 11 жаштагы кызды зордуктоого өгөй атасы шектелүүдө. Бул тууралуу Чүй ОИИБ маалымдады.
Маалыматка караганда, 18-августта Токмок ШИИБге социалдык коргоо адиси кайрылган. Ал арызында жашы жете элек кыз 1985-жылы туулган өгөй атасы менен жашаарын, ал кыздын алсыздыгынан пайдаланып февралдан бери зордуктап жүргөнүн билдирген.
Аталган факты Токмок ШИИБне катталып, зордуктоо беренеси менен кылмыш иши козголгон.
Шектүү катары 38 жаштагы жаран кармалган. Ал соттун чечими менен камакка алынган. 10-октябрда иш сотко өткөн.
Тергөөнүн жүрүшүндө, кыздын 1990-жылы туулган апасы 2022-жылы рактан каза болгону аныкталган. Ал эми кыздын атасы 2023-жылы өлтүрүлгөн. Буга байланыштуу кыз өгөй атасы менен жашап жүргөн.
