Москва районунда уурулукка шектүү жаран кармалганын Чүй облустук милициясынын басма сөз кызматы билдирет.
Маалыматка ылайык, ушул жылдын 6-март күнү Москва РИИБине 1987-жылы туулган Т.А. арыз менен кайрылып, анда түндө белгисиз адамдар анын сарайынан бир баш уюн уурдап кеткенин билдирген.
Бул факты Кылмыштардын бирдиктүү реестрине Кылмыш-жаза кодексинин 205-беренеси (Уурдоо) боюнча катталган.
Жүргүзүлгөн ыкчам издөө иштеринин негизинде жогорудагы кылмышка шектелип 1992-жылы туулган Н.Ж. аттуу жаран кармалып, убактылуу кармоочу жайга камакка алынган.
Уурдалган бир баш уй табылып, арыз эсине тапшырылган. Учурда сотко чейинки өндүрүш иштери улантылууда.
