Чүйдө айыл чарба багытындагы жерлерди мыйзамсыз бөлүштүрүп, сатууга шектелип мурдагы жана учурдагы депутаттар кармалды.
Атайын кызматтын маалыматы боюнча, Аламүдүн районунун Васильевка айылынын №578, 569, 569, 580, 580 контурлары текшерилип, айдоо, жайыт жерлерге бир катар мыйзамсыз курулуштар түшкөнү аныкталган.
Тергөөдө айрым депутаттар жана жергиликтүү бийлик өкүлдөрү документтерди жасап, аталган жер тилкелерине курулуш жүргүзүүгө уруксат бергени белгилүү болгон.
Кылмышка шектелип айылдык кеңештин мурдагы жана учурдагы эки депутаты кармалып, убактылуу кармоочу жайга киргизилген. Учурда бул кылмыш ишине тиешеси бар башка адамдарды аныктоо иштери уланууда.
