Чет өлкөдө жүргөн мекендештерди колдоо, дүйнө жүзүндө кыргыз жаранынын оң образын калыптандыруу максатында активисттер, блогерлер жана маданият өкүлдөрү #ҮлгүлүүКыргыз аттуу флешмоб баштады. Бул тууралуу социалдык тармактарда видеолор жайылууда.
Демилге акыркы учурдагы Россияда жана башка өлкөлөрдө мигранттарга карата көзөмөл күчөп жаткан шартта пайда болду.
Флешмобдун багыты чет жерде жүргөн кыргызстандыктарды мыйзамдуулукка чакыруу, “Үлгүлүү кыргыз жараны — бул мыйзамды урматтаган, жоопкерчиликтүү адам” деген түшүнүктү дүйнө коомчулугуна жайылтуу.
Иш-чаранын уюштуруучулары жарандарды бул кыймылга кошулуп, чет жерде документтерди иретке келтирип, бири-бирине колдоо көрсөтүүгө чакырат.
Белгилей кетсек, өлкө президенти Садыр Жапаров менен Россиянын президенти Владимир Путиндин сүйлөшүүлөрүнүн негизинде Россия аймагында жүрүүгө уруксат берген документтерди иретке келтирүүнүн мөөнөтү 2025-жылдын 10-сентябрына чейин узартылган.
Посмотреть эту публикацию в Instagram
