16-июль күнү Жалал-Абадда маркум дин аалымы Чубак ажы Жалиловдун жаркын элесине арналган «Өчпөс өмүр» аттуу илимий конференция өтөт.
Маалыматка ылайык, 2021-жылдын 16-июль күнү Жалал-Абад шаарында Дин иштери боюнча мамлекеттик комиссиясы, Кыргызстан мусулмандарынын Дин Башкармалыгы жана Кыргызстан Ислам университитети маркум дин аалымы Чубак ажы Жалиловдун жаркын элесине арналган «Өчпөс өмүр» аттуу илимий конференция уюштурууда.
Конференцияда Чубак ажы Жалиловдун өмүр таржымалы, агартуу жаатына кошкон салымы жана эмгектери тууралуу баяндамалар жасалып, кыргыз аалымдарынын басып өткөн жолу боюнча маалыматтар айтылат.
Белгилей кетсек, 17-июль күнү Жалал-Абад облусунун Сузак районунун Барпы айылында «Аалым Чубак ажы Жалилов» атындагы мечиттин ачылыш салтанаты болмокчу.
