Чүй облусу кызыл зонага кирди. Бул тууралуу Республикалык вирустук инфекцияларды көзөмөлдөө боюнча илимий-практикалык борборунун жетекчиси Зуридин Нурматов маалымат жыйында билдирди.
Анын айтымында, Кыргызстан дүйнөлүк статистика боюнча «жашыл» зонада турат.
“Бир суткада Чүй облусунда COVID-19дун 49 жаңы учуру катталган, анын ичинен 40 учур – лабораториялык, 9 учур – клиникалык-эпидемиологиялык симптом менен тастыкталды. Бишкек мурдагыдай эле “кызыл” зонада калууда. Ал эми Ысык-Көл “сары” зонада, калган 5 облус “жашыл” зонада турат”, — дейт ал.