2023-жылдын июль айына чейинки жыйынтык боюнча дүйнөнүн эң бай адамдарынын тизмесин «Bloomberg» басылмасы расмий баракчасында жарыялады.
Ушул жылдын биринчи жарым жылдыгы боюнча америкалык ишкер Илон Маск дүйнөнүн эң бай адамы болду. Ал алты ай ичинде өзүнүн капиталын 234 млрд долларга көбөйткөн. Масктын расмий агенттигинин маалыматы боюнча, 3-июлда Tesla акциялары 6,9 пайызга жогорулап, ишкерге дагы 13 миллиард доллар алып келген.
Ал эми, экинчи орунда 200 миллиард доллар кирешеси менен Louis Vuitton компаниясынын ээси Бернар Арно турган болсо, алдыңкы үчтүккө 6 айда 154 миллиард доллар тапкан Amazon интернет компаниясынын негиздөөчүсү, америкалык ишкер Жефф Безос кирген.
Кийинки орунда Meta Platforms компаниясынын ээси Марк Цукерберг турат. Июнь айына карата анын байлыгы 58,9 миллиард долларга өсүп, жалпы 6 айда ишкер 104 миллиард доллар тапкан.
