Бүткүл дүйнөлүк көчмөндөр оюндары – 2026нын расмий сайтында жасалма интеллектке негизделген жардамчы ишке кирди. Колдонуучулар оюндар тууралуу маалыматтарды кыргыз, орус жана англис тилдеринде ала алышат.
Жаңы чечим Бүткүл дүйнөлүк көчмөндөр оюндарынын Эл аралык секретариаты менен кыргызстандык AIRUN AI-компаниясынын өнөктөштүгүнүн алкагында иштелип чыкты.
Чоң эл аралык иш-чарага байланыштуу мелдештердин өтүүчү жери жана убактысы, керектүү аянтчага жетүү жолдору, билеттердин баасы жана иш-чаралардын программасы тууралуу көптөгөн суроолор жаралат. Эми бул маалыматтарды расмий платформадан тез арада алууга болот.
AI-чат сайттын ылдыйкы оң бурчунда жайгашкан. Аны ачып, кызыктырган суроону жазуу жетиштүү.
Долбоордун технологиялык өнөктөшү — Кыргыз Республикасында иштелип чыккан AI-продуктулардын экосистемасы AIRUN. Анын негизинде кыргыз тилин, грамматикасын жана жергиликтүү контекстти терең түшүнгөн тилдик ядро түзүлгөн.
