Даракты сүзүп алган автобустан жабыркагандардын саны 21ге жетти. Буга чейин ооруканага 15 жүргүнчү жеткирилген, анын ичинен төртөө жаш балдар экени маалымдалган. Жабыркагандардын денеси көгөргөн жана айрымдарынын мээси чайкалган, оор жаракат алгандар жок.
Жаңыланган маалымтка ылайык, балдар ооруканасына тогуз бала түшүп, амбулатордук дарыланууга чыгарылган.
«№4 шаардык ооруканага 12 жабырлануучу түшүп, алардын төртөө травматология бөлүмүнө жаткарылган. Абалдары канааттандырарлык. Ошондой эле экөө орто оор абалда реанимацияда жатат. Калгандары үйлөрүнө коё берилген», — деп жазылат Саламаттыкты сактоо министрлигинин маалыматында.
Бүгүн, 29-октябрда түшкү саат 12:00 чамасында Бишкектеги Чыңгыз Айтматов проспектисинин Киргизия-1 конушунун аймагында №8 автобустун айдоочусу рулду башкара албай бакты сүзүп алды. Милициянын кайгуул кызматынан кабарлашкандай, автобустун алдынан жеңил унаа чыга калып, айдоочу андан качууга аракет кылган.
