2026-жылдын 26-мартынан 31-мартына чейин Дэн Сяопин проспекти менен Патрис Лумумба көчөсүнүн кесилишинин түштүк тарабында транспорт кыймылы убактылуу жабылат. Бул тууралуу мэриядан билдиришти.
Бул аралыкта атайын техника колдонулуп, эски асфальт катмары кырылып алынат, андан соң жаңы асфальттын биринчи катмары төшөлөт. Мындан тышкары, кудуктар жана жамгыр суу кабыл алуучу торлор оңдолуп, жолдун деңгээлине ылайык тегизделет.
Бул иштер жол жабуусунун сапатын жакшыртууга, транспорттун жүрүшүн ыңгайлуу кылууга жана жол кырсыктарынын алдын алууга багытталган. Оңдоо иштери белгиленген мөөнөттө аякташы пландалууда
