Бишкекте Дэн Сяопин проспектисинин Патрис Лумумба көчөсүнөн Кустанай көчөсүнө чейинки (түштүк тарабы) тилкесинде жайгашкан объекттерди демонтаждоо иштери башталды.
Шаар мэриясынын комиссиясынын чечими менен 13 чарба субъект менен түзүлгөн келишимдерди токтотуу каралган. Бүгүнкү күндө алардын ичинен 10 объект боюнча келишимдер буга чейин токтотулган, калган 3 объект боюнча акыркы чечим күтүлүүдө.
Өткөн жылдын кыш мезгилинде Жер пайдаланууну контролдоо боюнча башкармалыгы тарабынан билдирүү баракчалары берилип, ээлеп турган аймакты ыктыярдуу бошотуу үчүн жазга чейин мөөнөт берилген.
Демонтаж иштери аяктагандан кийин бошотулган аймакта жашылдандыруу жана көрктөндүрүү иштерин жүргүзүү пландалууда.
