Талас Айдарбек уулу финансы министринин биринчи орун басары болду.
Тиешелүү тескемеге министрлер кабинетинин төрагасы Адылбек Касымалиев кол койду.
Бүгүн финансы министри Руслан Сүйналиев жаңы орун басарын министрликтин жамаатына тааныштырды.
Өз сөзүндө министр Талас Айдарбек уулунун буга чейинки эмгек жолу тууралуу токтолуп, анын Бюджеттик саясат башкармалыгындагы үзүрлүү ишмердүүлүгүн, жогорку кесипкөйлүгүн, принципиалдуулугун жана кызматтык жоопкерчилигин өзгөчө белгилеп, ага жаңы, жооптуу кызматына ийгиликтерди каалады.
