Бүгүн, Жогорку Кеңештин жыйынында депутат Аида Исатбек кызы жаштар арасында гепатиттин С түрү менен кургак учук кескин көбөйүп жатканын айтты. Ал буга косметалогиялык кабинеттер санитардык нормаларды сактабаганы себеп болууда деп билдирди.
“Лицензия албай, медициналык билими жоктор эле адамдын жүзүн өзгөртүүчү ар кандай операцияларды жасап жатат. Алар Кыргызстанда катталбаган препараттарды колдонушат. Фотошопто жасалган сүрөттөрдү көрсөтүп алдашат. Аягында жарандар ден соолугунан ажырап калууда”, — деди ал.
Депутаттын айтымында, мындай башаламандыкты дароо токтотууга Саламаттык сактоо министрлигинин укугу жок. Андыктан бул маселеге тийиштүү органдардын баарына көңүл бурууга тапшырма берүүнү суранды.
Посмотреть эту публикацию в Instagram
