Бүгүн, Жогорку Кеңештин жыйынында депутат Мирлан Самыйкожо Орусиядагы мобилизацияга байланыштуу Кыргызстанга келгендердин саны өсүп, мындан улам Бишкек шаарларында ижарада турган кыргыз жарандарынын үйдөн чыгарылып жаткандыгын айтып, катуу көзөмөлгө алынышы керектигин билдирди.
«Сырттан келип жаткан орус жарандары бүгүнкү күндө бааны эбегейсиз көтөрүп бара жатышат. Алар эртең кетип калышат, баа көтөрүлгөн бойдон калат. Кыргыз жарандары батирлерден аргасыздан чыгып, көчөдө калып жатышат. Ушуга көзөмөл катуурак болсо жакшы болот эле. Экинчи жагынан аларды да колдонуп, керектүү кадрлары болсо карап көрсөк. Балким, IT-Технологиясын билген мыктылар бардыр. Менин сунушум ушул»,-деди ал.
