Эмил Токтошев менен Камила Талиева “кыргыз тилин сактап калууга жардам берип, реалдуу реформа жүргүзүүгө зарыл”- деп эсептешет.
Парламент жыйынында белгилүү болгондой, депутаттар латын алфавитине өтүүнү сунуштап жатат.
«Латын графикасына өтүү 1993-жылы Түрк тилдүү мамлекеттердин саммитинде вице-премерлердин катышуусунда меморандумга кол коюлган. Биз дагы кол койгонбуз. Тилекке каршы, андан бери саясий чечим алынган жок. Бүгүнкү күндө түрк тилдүү 6 мамлекеттин ичинен бир гана биз Кыргызстан кириллицада олтурабыз. Эгерде Жогорку Кеңеш дагы чечим кабыл алып, президент баш болуп саясий чечимдер кабыл алынган болсо , анда биздин интеллигенция, окумуштуулар латын графикасын өткөнгө даяр эле»- деди Президентке караштуу Мамлекеттик тил жана тил саясаты боюнча улуттук комиссиянын төрагасы Каныбек Осмоналиев.
