Жогорку Кеңештеги депутаттык комиссия жабык жыйынында “Альянс” фракциясынын мүчөсү Эмил Жамгырчиевди кылмыш жоопкерчилигине тартууга макулдук берген.
Жергиликтүү ЖМКлар маалымдагандай, мындай чечимди депутаттык комиссия бүгүнкү жыйынында кабыл алган. Эми бул маселе парламенттин жалпы жыйынында каралат.
УКМК азырынча бул тууралуу маалымат бере элек.
Эске салсак, башкы прокурор Курманкул Зулушев парламенттен Жамгырчиевди жоопко тартууга макулдук сураган. Эл өкүлү Кылмыш-жаза кодексинин 378-беренеси («Мамлекеттик чек арадан мыйзамсыз өтүү») боюнча айыпталууда. Бул ишти иликтөө үчүн комиссия түзүлүп, ар бир фракциядан бирден депутат кирген.
