Чүй облусунун жана Бишкек шаарынын аймагында тыюу салынган «Йакын-Инкар» ДЭКнун мүчөлөрү тарабынан экстремисттик уюм түзүү фактысы аныкталды. Бул тууралуу УКМКдан билдиришти.
Козголкон кылмыштын негизинде 9-июнда диний-экстремисттик кыймылдын 12 активдүү мүчөлөрүнүн жашаган жеринде издөө иш-чаралары жүргүзүлдү. Тыюу салынган материалдардын олуттуу көлөмү табылып алынган. Ошондой эле 15 жаран ИИБ жеткирилип, алардын башчысы убактылуу кармоочу жайга киргизилди.
Учурда тиешелүү экспертизалар дайындалып, башка тиешеси бар адамдарды аныктоого багытталган тергөө иштери уланууда.
