Бүгүн, саат 12:00гө карата Бишкек – Нарын – Торугарт унаа жолуна түшкөн кар көчкүнүн 19 170 м3 көлөмү тазаланды. Бул тууралуу ӨКМнын басма сөз кызматы билдирди.
Маалым болгондой, 17-март күнү саат 10:30дар чамасында Бишкек – Нарын –Торугарт унаа жолуна кар көчкү түшүп, каттам токтогон. Унаа жолдун 294-чакырымы (Долон ашуусу) жалпы көлөмү болжол менен 225 000 м3 кар көчкү түшүп, анын 47000 м3 көлөмү жолго түшкөн.
Түшкөн кардын бийиктиги 15-20 метр, узундугу 200-250 метрди түзөт. Жабыркагандар жок. Учурда жол убактылуу жабык, тазалоо иши жүрүүдө.
Жерине 25 куткаруучу, 2 жүктөгүч, ЖТИден 9 жүктөгүч, 1 Isuzu үлгүсүндөгү кар түртүүчү техника тартылган.
