Трамп Вашингтондо өлүм жазасын киргизүү боюнча буйрукка кол койду. Бул тууралуу жергиликтүү маалымат булактары жазышууда.
Маалыматка ылайык, бул чара штат катары эсептелбеген Колумбия округунда күчүнө кирди. Ал эми Колумбиянын территориясын расмий түрдө конгресс башкарат.
Өлүм жазасы адам өлтүргөн ар бир кылмышкерге тиешелүү. Аткаруу буйругуна кол коюу аземинде АКШнын Башкы прокурору өлүм жазасын бүтүндөй өлкөдө мыйзамдаштыргысы келерин билдирди.
Өлүм жазасы 27 штатта мыйзамдуу, алардын алтоосунда мораторий бар.
