«Дордой» базарына каттаган маршруткалар жол кирени өз билемдик менен көтөрүп алышкан. Бул тууралуу Бишкек мэриясынан билдиришти.
Мэриянын маалыматына караганда, Транспорт жана жол-транспорттук инфратүзүмдү өнүктүрүү департаменти «Дордой» базарынын аймагындагы коомдук транспортко рейд жүргүзгөн. “Дордой” базарынын аймагындагы коомдук транспорттун акыркы пункттарында маршруттук каттамдардын тарифтери боюнча каттамдардын пландуу аткарылышын көзөмөлдөө жана уруксатсыз көбөйтүүгө жол бербөө максатында текшерүү жүргүзүлгөн. Мониторингдин жүрүшүндө №252, №226, №230, №203 жана №234 маршруттук линиялар белгиленген кыймыл интервалдарына жана пландалган чыгууларга туура келбегендиги аныкталган.
Мындан тышкары, №226, №234, №252 жана №230 каттамдар коомдук транспорттун бекитилген шаардык тарифин өзүм билемдик менен жогорулаткан. Анын жыйынтыгында мыйзам бузуулар кайталанган учурда катаал чаралар көрүлүп, анын ичинде ишмердүүлүгүн токтотуу боюнча эскертүүлөр берилген.
