Москвада өткөн эл аралык фестивалда Таттыбүбү Андабекова «Эң мыкты аялзатынын ролу» номинациясын жеңип алды. Бул тууралуу Маданият министрлигинен билдиришти.
Маалыматка ылайык, Т. Абдумомунов атындагы КУАДТнын алдындагы Театралдык окуу жайынын 3-курсунун студенттери Ч. Айтматовдун «Бетме-бет» драмасы менен фестивалга катышкан.
Жалпы 15 катышуучуга 4 номинация боюнча сыйлык тапшырылып, «Эң мыкты аялзатынын ролу» номинациясы 3-курстун студенти Таттыбүбү Андабековага ыйгарылды. Ал «Бетме-бет» драмасында Сейденин образын жараткан.
Белгилей кетсек, «Точка А» театралдык фестивалы 2025-жылдын 6-октябрынан баштап 12-октябрына чейин өттү.
