Альпинизм жана спорттук альпинизм федерациясынын президенти Эдуард Кубатов Гималайдагы 6 800 метр бийиктиктеги Ама-Даблам чокусуна чыгып, тууну желбиретти. Бул тууралуу ал соцтармактагы баракчасы аркылуу билдирди.
“Достор, мен саат 7:00дө Гималайдагы эң бийик чокулардын бири Ама-Дабламды ийгиликтүү багындырдым. Азыр тоодон ылдый түшүп, лагерге жайгаштым. Лагерден чокуга, жана кайра чокудан лагерге жетиш үчүн 3 күн, 5 саат талап кылынды”, – деди Эдуард Кубатов.
Альпинист ийгилигин Кыргызстанга арнаганын айтты.
