Москва шаарында Кыргызстандын эки жараны канализация тазалоо учурунда каза болду. Окуя шаардын Люблино аймагында орун алганын РИА Новости басылмасы жазды.
Анда айтылгандай, суу түтүгүн тазалап жаткан 13 жумушчу нөшөрлөп жааган жаандан улам шахтага түшүкөн. Ошол кезде айрымдарын суу агызып кеткен. Алардын бешөө өз алдынча чыкканы жетишкен. Ал эми беш кишини куткаруучулар алып чыкканы айтылды. Мындан сырткары дагы үч адам дайынсыз экени кабарланган.
Кийинчерээк жоголгон үч адамдын жансыз денеси табылган. Алардын экөө Кыргызстандын, бирөө Тажикстандын жараны экен такталды.
