Ош облусунун Өзгөн районунун аймагында адамдардын тобу тарабынан алдын ала сүйлөшүп алып, акча талап кылуу максатында адам уурдоо фактысы боюнча 2021-жылдан бери издөөдө жүргөн жаран кармалды.
«Буга чейин, 2020-жылдын декабрь айында “О.Б.Н.” жана уюшкан кылмыштуу топтун башка мүчөлөрү Баткен районунун тургунунан 20 000 АКШ доллары өлчөмүндө акча талап кылышкан. Жүргүзүлгөн ыкчам-издөө иш-чараларынын натыйжасында аны уурдап салып кеткен “Мерседес-Бенц” үлгүсүндөгү унаасы аныкталып, УКМКнын унааны токтотуу боюнча мыйзамдуу талаптарына уурулар тарабынан каршылык көрсөтүлгөн. Жогоруда аталган жаран качып кетүүгө үлгүрүп, издөөгө алынган»,- деп билдиришти УКМКдан.
УКМК кызматкерлери тарабынан көрүлгөн иш-чараларынын жүрүшүндө анын жүргөн жери аныкталып, УКМКнын тергөө абагына киргизилди.
Учурда бул топтун башка кылмыш иштерин аныктоо боюнча тергөө жана ыкчам издөө иш-чаралары жүргүзүлүүдө.
