Экс-министр Тилек Токтогазиев “Ата-Мекен” саясий партиясынын жооптуу мүчөсү болуп кирди. Бүгүн, 23-июлда партиянын лидери Өмүрбек Текебаев өзү күбөлүк тапшырды.
Токтогазиев “Ата-Мекен” партиясынын мүчөсү болуу ал үчүн сыймык экенин белгилеп, бүгүнкү күн эң маанилүү, символикалык күн катары эсинде каларын айтат.
Ал эми Өмүрбек Текебаев, Тилек Токтогазиев өлкөнүн саясатына активдүү катышканын, “Октябрь революциясынын” лидерлеринин бири жана өкмөттүн мүчөсү, айыл чарба министр болгонун эске алып: “Эми ал өзүнүн саясий иш-аракеттерин биздин партия менен расмий түрдө байланыштырууну чечти. Сүйлөшүүдө ал жакшы ойлонуп чечим чыгарганын, 30 жылдык өмүрүн Ата-Мекенге арнаганга даяр экендигин айтты”, — деп кошумчалады.