Польшада өтүп жаткан Pytlasinski эл аралык турниринде Кыргызстандын грек-рим күрөшү боюнча улуттук курама командасы 3 алтын, бир күмүш медаль жеңди.
Дене тарбия жана спорт мамлекеттик агенттигинен билдиришкендей, анын ичинен 63 кг салмак категориясында катышып жаткан Жоламан Шаршенбеков, 60 кг салмак категориясында Акыл Сулайманов жана 55 кг салмак категориясында Акыйкат Күлжигит уулу алтын медаль менен турнирдин чемпиону аталды.
Ал эми 67 кг салмак категориясында катышкан Раззак Бейшекеев күмүш медаль жеңди.
