Опуза талап кылуу фактысы менен Энергетика министринин мурунку орун басары кармалганын ИИМден билдирди.
Ыкчам-иликтөө иш-чараларынын жүрүшүндө 20 миң АКШ долларын алып жаткан учурда энергетика министринин 1979-жылы туулган мурдагы биринчи орун басары Т.Э. кармалган.
Ал майнинг фермасын ачууга көмөк көрсөткөнү үчүн чет элдик инвестициялык компаниядан 220 000 (эки жүз жыйырма миң) АКШ долларын талап кылып, учурдагы энергетика министринин колу коюлган документтерди жасалмалаганы аныкталган.
Бул факт боюнча кылмыш иши козголуп, шектүү Бишкек шаарынын убактылуу кармоочу жайына киргизилген, тергөө иштери уланууда.
