Борбор калаа Бишкекте бүгүн футбол беттешине байланыштуу бир нече көчө кыймылга жабылат. Чектөөлөр саат 17:00дөн түнкү 23кө чейин болот.
«Ага ылайык, Тоголок Молдо, Чүй, Фрунзе, Исанов, Панфилов көчөлөрүн бириктирген бөлүк тосулат.Тыгындарды жаратпоо үчүн айдоочуларга башка каттам түзүп алуу сунушталат», деп билдирет кайгуул милициясы.
Белгилей кетсек, бүгүн Дөлөн Өмүрзаков атындагы стадиондо Кыргызстан – Тажикстан курамалары беттешет.
Бул беттеш футбол боюнча Азия Кубогунун тандоо турунун соңку беттеши болуп саналат. Оюн саат 21:00дө башталат.
