Европа комиссиясынын мурдагы төрагасы, бирдиктүү европа валютасы — евронун негиздөөчүсү Жак Делор 98 жаш курагында каза болду. Бул тууралуу чет элдик басылмалар жазып чыгышты.
Жак Делор Францияда 1981-1984-жылдары — президент Франсуа Миттерандын тушунда финансы министри болуп иштеген. 1995-жылы сурамжылоодо атаандаштарынан кыйла артыкчылык алса да, президенттик шайлоого катышуудан баш тарткан. Делор Еврокомиссияны 1985-1995-жылдары башкарып турган. Бул он жылдык Европа биримдигине мүчө өлкөлөрдүн ички интеграциясы бекемделген мезгил болуп калды. Жалпы базар мейкиндиги түзүлүп, Шенген келишими түзүлгөн. Студенттердин «Эразмус» программасы кабыл алынып, Европанын бирдиктүү валютасы — евро бекитилген.
Белгилей кетсек, Делор Еврокомиссиянын башчылыгынан кеткенден кийин, европа федерализмин өнүктүрүү үчүн аналитикалык борборлорду түзгөн.
