Бишкек — Нарын — Торугарт жолунда оор жүк ташуучу унаа жол кырсыкка кабылып, бир адам каза болду. Бул тууралуу ӨКМден билдиришти.
Маалыматка ылайык, жарылуучу пиротехникалык каражаттарды ташыган » HOWO» үлгүсүндөгү оор жүк ташуучу унаанын айдоочусу рулду башкара албай жол кырсыгына кабылган.
Кырсыктын кесепетинен фейерверктер жарылып, ири өрттүн чыгышына жол ачкан. Мындан улам саат 21:40та жана 22:04тө Балыкчы шаарынан өрт өчүрүүчү 2 күжүрмөн эсеп тартылган.
Өрт 23:05те чектөөгө алынып, учурда толук өчүрүү иштери жүрүп жатат.
Тилекке каршы тилсиз жоонун кесепетинен жүк ташуучу унаадагы бир адам каза болуп, өздүгү такталууда.
