Футбол боюнча Испания курама командасы ФИФАнын рейтингинде биринчи орунду ээледи. Бул тууралуу маалымат уюмдун сайтында жарыяланды.
Маалым болгондой, дүйнөнүн учурдагы чемпиону Аргентина биринчи орундан үчүнчү орунга түшкөн. Франция үчүнчүдөн экинчиге көтөрүлдү.
Төртүнчү орунда Англия, бешинчи сапка Португалия жайгашты.
Россиянын курама командасы эки тепкичке көтөрүлүп, азыр 33-орунда турат.
Сентябрь айында россиялыктар эки беттеш өткөрүп, Иордания менен 0:0 эсебинде тең чыгып, Катарды 4:1 эсебинде жеңген.
