Министрлер кабинетинин төрагасы Акылбек Жапаров министрлердин орун басарлары жана аткаруу бийлигинин мамлекеттик органдарынын жетекчилери менен кеңешме өткөрдү. Бул тууралуу Министрлер кабинетинин басма сөз кызматы билдирди.
Маалыматка ылайык, жыйындын жүрүшүндө Министрлер кабинетинин башчысы аткаруучулук тартипти чыңдоо, мамлекеттик кызматкердин этикасын сактоо, маанилүү социалдык-экономикалык маселелерди чечүүдө кесипкөйлүктү жогорулатуу зарылдыгын белгиледи.
Ошондой эле, Министрлер кабинетинин төрагасы жүктөлгөн милдеттерди талаптагыдай аткарбагандыгы үчүн КРнын финансы министринин орун басары Руслан Татиковго сөгүш жарыялады.
